London “Arsenal”ının hücumçusu Olivye Jiru İngiltərədə klubunu dəyişib.
Futbolinfo.az xəbər verir ki, fransalı futbolçu bundan sonra Londonun digər təmsilçisi “Çelsi”nin şərəfini qoruyacaq. Bu barədə “zadəganlar”ın mətbuat xidməti məlumat yayıb. Jiru yeni klubu ilə 1,5 illik müqaviləyə imza atıb.
Transferin maliyyə detalları açıqlanmasa da, İngiltərə mətbuatı “Çelsi”nin Jiruya görə “Arsenal”a 18 milyon funt-sterlinq ödədiyini yazıb.
Jiru “Arsenal”a 2012-ci ildə Fransanın “Monpelye” klubundan 12 milyon avroya transfer edilmişdi. O, bu müddət ərzində London təmsilçisinin heyətində 253 matça çıxıb və 105 qol, 41 asistlə yadda qalıb.
31 yaşlı forvard Fransa yığmasında 69 oyun keçirib.