"Neftçi” bu gün – fevralın 17-də Topaz Premyer Liqasının 16-cı turu çərçivəsində "Sumqayıt”la görüşəcək.
Futbolinfo.az xəbər verir ki, Sumqayıtda keçiriləcək oyun saat 18:30-da start götürəcək.
Paytaxt klubu "Gənclik şəhəri” təmsilçisi ilə indiyədək 22 çempionat oyununda qarşılaşıb. “Ağ-qaralar” bu oyunlardan 12-də qalib gəlib, 8-də məğlub olub, cəmi 2 oyunda isə heç-heçə qeydə alınıb. Top fərqində də "Neftçi” üstündü – 37:26.
Cari mövsümün ilk hissəsindəki oyunlara gəlincə, hər iki görüşdə meydan sahibi qələbə qazanıb. Sumqayıtda 1:0, 8-ci km stadionunda isə 2:1 hesabı qeydə alınıb.