Bu gün Topaz Premyer Liqasında 16-cı tura start verilib.
Futbolinfo.az xəbər verir ki, ilk oyun günündə iki görüş baş tutub.
Turun açılış oyununda “Qəbələ” doğma meydanda “Zirə”ni qəbul edib. Mərkəzi oyunda aralarında cəmi 1 xal fərqi olan və turnir cədvəlində qonşu olan iki komanda üz-üzə gəlib. “Qəbələ” ikinci pilədəki mövqeyini qorumaq üçün ən azı uduzmamalıydı. “Zirə” isə iddialı rəqibini qabaqlamaq üçün mütləq qələbə qazanmalıydı. Hesabı qonaqlar açıblar. Amma fasilədən sonra daha üstün oyun sərgiləyən meydan sahibləri bu oyundan əzmkar qələbə ilə ayrılmağa nail olublar.
Günün digər oyununda dördüncü pillədə qərarlaşmış “Sumqayıt” da öz izləyicisi “Neftçi” ilə üz-üzə gəlib. Paytaxt klubu çətin səfərdə qələbə qazana bilsə, bu rəqibini qabaqlamağa nail olacaqdı. Lakin sumqayıtlılar yeni ildəki ilk ev oyununda xal itirməməyi hədəfləmişdilər. Belə də olub. Elə ilk yarıdaca iki qol vurmağa nail olan meydan sahibləri qalan dəqiqələrdə bu üstünlüyü qorumağı bacarıblar və "Neftçi" Sumqayıtı məğlub tərk edib.
Topaz Premyer Liqası
16-cı tur
17 fevral
“Qəbələ” – “Zirə” 2:1
Qol: S.Monroz, 56. B.Dabo, 64 – A.Dedov, 39.
Hakimlər: Rauf Cabbarov, Akif Əmirəli, Knyaz Əmiraslanov, Orxan Məmmədov.
Qəbələ şəhər stadionu.
“Qəbələ”: 22. Dmitri Bezotosnı, 8. Qismət Alıyev, 15. Vitali Vernidub, 34. Ürfan Abbasov, 33. Təmkin Xəlilzadə, 10. Ruslan Qurbanov, 28. Stiven Monroz, 19. Filip Ozobiç, 16. Omar Malone, 14. Cavid Hüseynov (k), 9. Baqali Dabo.
Ehtiyat oyunçular: 23. Aqil Məmmədov, 35. Murad Popov, 4. Elvin Camalov, 5. Rasim Ramaldanov, 6. Elvin Məmmədov, 11. Asif Məmmədov, 29. Hacıağa Hacıyev, 32. Amin Seydiyev, 74. Yusif Nəbiyev, 45. Famussa Kone.
Baş məşqçi: Roman Qriqorçuk.
“Zirə”: 85. Kamal Bayramov (k), 4. Vüqar Mustafayev, 5. Adil Nağıyev, 9. Aleksandr Dedov, 14. Tellur Mütəllimov, 17. Vüsal İsgəndərli, 18. Yani Urdinov, 23. Yovan Krneta, 38. İlkin Muradov, 29. Evans Uilyams, 43. Riçard Qadze.
Ehtiyat oyunçular: 62. Abdulla Seyidəhmədov, 7. Sadio Tounkara, 8. Milan Duriç, 10. Orxan Əliyev, 11. Viktor İqbekoyi, 13. Aleksandr Şemonayev, 16. İbrahim Aslanlı, 39. Sadiq Quliyev, 57. Kənan Zülfüqarov, 77. Mirsahib Abbasov, 88. Elşən Abdullayev.
Baş məşqçi: Ayxan Abbasov.
“Sumqayıt” – “Neftçi” 2:0
Qol: T.Axundov, 13-pen. A.Yunanov, 17.
Qırmızı vərəqə: R.Sadiqov, 60.
Hakimlər: İnqilab Məmmədov, Vaqif Musayev, Rza Məmmədov, Rəhim Həsənov.
Sumqayıt. “Sumqayıt Arena”.
“Sumqayıt”: 1. Fərhad Vəliyev, 2. Rail Məlikov (k), 5. Vüqar Bəybalayev, 9. Amil Yunanov, 10. Cavid İmamverdiyev, 11. Ehtiram Şahverdiyev, 13. Bəhlul Mustafazadə, 14. Bəxtiyar Həsənalızadə, 18. Tural Axundov, 19. Azər Salahlı, 32. Rəşad Eyubov.
Ehtiyat oyunçular: 23. Mehdi Cənnətov, 6. Kamal Mirzəyev, 7. Cavid Tağıyev, 8. Camal Camalov, 17. Nicat Qurbanov, 25. Süleyman Əhmədov, 39. Tural Bayramlı, 70. Ülvi İsgəndərov, 97. Xəyal Nəcəfov.
Baş məşqçi: Samir Abasov.
“Neftçi”: 1. Səlahət Ağayev, 2. İlkin Qırtımov, 6. Rəşad Sadiqov, 15. Ruslan Abışov (k), 5. Anton Krivotsyuk, 8. Emin Mahmudov, 10. Derlis Meza Kolli, 11. İqnasio Herrera, 19. Fransisko Qarsiya, 17. Rəhman Hacıyev, 22. Mirabdulla Abbasov.
Ehtiyat oyunçular: 94. Rəşad Əzizli, 7. Namiq Ələsgərov, 20. Elnur Süleymanov , 77. Elvin Sərkərov, 3. Fərid Abbaslı, 9. Lukas Qomes, 25. Kiril Petrov, 26. Ömər Buludov, 12. Mayk Kampas.
Baş məşqçi: Tərlan Əhmədov.
Turun digər oyunları sabah keçiriləcək: 15:00. “Kəpəz” – “Keşlə”, 17:30. “Səbail” – “Qarabağ”.