"Karyeramı Asiya ölkələrindən birində davam etdirməklə bağlı variant var idi. Lakin çox uzaq olduğu üçün getməməyi uyğun gördüm”.
Futbolinfo.az xəbər verir ki, bunu “Sportnet”ə ötən ilin sonunda Albaniyanın "Kukesi” klubundan ayrılan Rauf Əliyevin deyib.
"Keşlə”yə dönüşü baş tutmayan 29 yaşlı hücumçu hazırda fərdi məşqlərlə kifayətlənir: "Böyük ehtimalla, yay fasiləsini gözləyəcəm. Bu müddətdə yerli klublardan birinin düşərgəsində məşq etməyi düşünürəm. Bunun üçün klub axtarıram”.
Qeyd edək ki, qaydalara əsasən, futbolçu bir mövsüm ərzində üçüncü komandaya keçə bilməz. Rauf ya "Keşlə"yə qayıtmalı, ya da çempionatı yaz-payız sistemi ilə keçirilən ölkəyə üz tutmalıdır.