Futbol üzrə İspaniya yığmasının Argentina ilə yoxlama oyunundakı 6:1 hesablı qələbəsi Avropa təmsilçisi üçün yeni rekordla əlamətdar olub.
Futbolinfo.az İspaniya mətbuatına istinadən xəbər verir ki, bu ölkənin yığma komandası vaxtilə dünya çempionu olmuş kollektivlərlə görüşlərdəki ən böyük hesablı qələbəsini bayram edib.
Xatırladaq ki, bu məğlubiyyət Argentina yığması üçün də antirekordla yadda qalıb. Belə ki, 1:6 bu komandanın tarixində ən böyük hesablı yenilgidi. Argentina seçməsini 1958-ci ildə Çexoslovakiya, 2009-cu ildə isə Boliviya oxşar hesabla məğlub etmişdi.