“Neftçi” Topaz Premyer Liqasının 25-ci turu çərçivəsində qarşılaşacağı “Keşlə” ilə oyunun hazırlığını başa vurub.
Futbolinfo.az xəbər verir ki, “ağ-qaralar” bu gün oyunun keçiriləcəyi “İnter Arena”da məşq edib.
Yeri gəlmişkən, paytaxt klubunun iki futbolçusu – Emin Mahmudov və Mirabdulla Abbasovun doğum günüdü. Komanda yoldaşları bu münasibətlə onları təbrik edib.
Xatırladaq ki, aprelin 28-də “İnter Arena”da keçiriləcək “Keşlə” – “Neftçi” oyunu saat 16:00-da başlanacaq.
