“Barselona”nın yarımmüdafiəçisi Andres İnyesta mövsümün sonunda klubdan ayrılacaq.
Futbolinfo.az xəbər verir ki, bu barədə 33 yaşlı futbolçu özü bu gün keçirdiyi mətbuat konfransında məlumat verib. O, mövsümün sonunda “Barsa”dan ayrılacağı barədə iddiaları təsdiqləyib.
İnyestanın karyerasını Çin Super Liqasında davam etdirəcəyi gözlənilir.
Xatırladaq ki, “Barselona”nın yetirməsi olan yarımmüdafiəçi, bütün karyerası ərzində bu klubda top qovub. O, “göy-qırmızılar”ın heyətində 8 La Liqa çempionluğu, 6 ölkə kuboku və 4 Çempionlar Liqası qazanıb.