Avropa Liqasında həftənin ən yaxşı futbolçusunun adı açıqlanıb.
Futbolinfo.az xəbər verir ki, UEFA-nın rəsmi saytında azarkeşlər arasında keçirilmiş sorğuda Marsel “Olimpik”inin yarımmüdafiəçisi Dmitri Payet həftənin ən yaxşı oyunçusu seçilib. O, 88 faiz səslə birinci olub.
Xatırladaq ki, Fransa klubu Avroliqanın yarımfinal mərhələsi çərçivəsində Avstriya “Zalsburq”u ilə ev oyununda 2:0 hesablı qələbəyə sevinib. Payet isə həmin oyunda 2 məhsuldar ötürmə müəllifi olub.
Həftənin ən yaxşı futbolçusu olmağa digər namizəd – İngiltərənin “Arsenal” klubunun hücumçusu Aleksandr Lakasett isə cəmi 12 faiz səs toplaya bilib.