Futbol üzrə Avstriyanın Şərq Regional Liqasında 29-cu turun oyunları keçirilib.
Futbolinfo.az xəbər verir ki, azərbaycanlı futbolçular Dmitri Nağıyev, Elvin Bədəlov və Emil Fərzəliyevin formasını geyindiyi Vyana “Qarabağ”ı da növbəti matçına çıxıb. Sözügedən kollektiv doğma meydanda “Şvexat”la qarşılaşıb. Futbolçularımızın komandası bu oyundan qələbə ilə ayrılıb – 3:0.
Emil və Dmitri bu görüşün iştirakçısı olmayıb. Elvin isə yenə start heyətdə meydana və sonadək oynayıb.
“Qarabağ” hazırda 44 xalla 16 komanda arasında 5-ci pillədə qərarlaşıb.