Bakıda təlim-məşq toplanışında olan 16 yaşlı futbolçulardan ibarət milli komandamız bu gün yoxlama oyunu keçirib.
Futbolinfo.az xəbər verir ki, yığmamız Ramin Quliyevin baş məşqçisi olduğu 17 yaşlı futbolçulardan ibarət milli komandamızla qarşılaşıb. Bakı Olimpiya Stadionunun ehtiyat meydançasında baş tutan oyun 17 yaşlı futbolçuların 2:0 hesablı qələbəsi ilə başa çatıb. Qolları Veysəl Rzayev və Emil Quluzadə vurub.