“Golden Boy” mükafatına namizədlərin adları bəlli olub.
Futbolinfo.az xəbər verir ki, ilkin siyahıda 40 nəfərin adı var. “Golden Boy” Avropanın 21 yaşa qədər ən yaxşı futbolçusuna təqdim olunur. Namizədlər arasında PSJ-nin futbolçusu Kilian Mbappe də var. Mbappe ötən il bu mükafatı qazanmışdı.
“Liverpul”un müdafiəçisi Trent Aleksander-Arnold, “Milan”ın hücumçusu Patrik Kutrone, Dortmund “Borussiya”sının futbolçuları Aşraf Hakimi, “Yuventus”lu Moyze Kin, Patrik Klyuvertlə Corc Veanın oğlanları da namizədlər arasındadı.
Noyabrın 1-də münsiflər heyəti namizədlərin sayını 20-yə qədər azaldacaq. Mükafatlandırma mərasimi isə dekabr ayında keçiriləcək.
