UEFA Avropa Liqasının qrup mərhələsinin 2-ci mərhələsində “Qarabağ” oktyabrın 4-də Bakı Olimpiya Stadionunda "Arsenal"ı qəbul edəcək.
Futbolinfo.az klubun saytına istinadən xəbər verir ki, azarkeşlərin bu matça rahat gəlib-gedişini təmin etmək üçün ictimai dayanacaq klub tərəfindən azarkeşlərin xidmətində olacaq.
Azarkeşlər avtodayanacaqdan qarşılaşmanın başlamasından 3 saat əvvəl, saat 17:55-dən etibarən istifadə edə bilərlər.
Bu arada, “Qarabağ” – "Arsenal" matçına bilet satışı da davam edir.
"Qarabağ" – "Arsenal" matçı oktyabrın 4-də keçiriləcək və saat 20:55-də başlayacaq.
“Qarabağ” Avropa Liqasının ilk turunda keçirdiyi oyunda səfərdə “Sportinq”ə 0:2 hesabı ilə uduzub.