Fransanın “Nant” klubunda baş məşqçi dəyişikliyi gerçəkləşib.
Futbolinfo.az xəbər verir ki, mövsümə uğursuz başlayan komandanın baş məşqçisi Migel Kardozo postundan kənarlaşdırılıb.
Liqa 1 təmsilçisini bundan sonra Vahid Halilhodjiç çalışdıracaq. Bu barədə klubun rəsmi saytı məlumat yayıb. Bosniyalı mütəxəssislə 2020-ci ilin yayına kimi müqavilə imzalanıb.
“Nant” 8 turdan sonra Liqa 1-də 20 komanda arasında 19-cu pillədə qərarlaşıb.
Halilhodjiç futbolçu kimi 1981-1986-cı illərdə “Nant”ın formasını geyinib və 1982/1983 mövsümündə bu komandanın hetyətində Fransa çempionu olub.