Gənclər arasında təşkil olunan Almaniya Bundesliqasının cənub zonasında 1-ci turdan təxirə salınmış oyunlar keçirilib.
Futbolinfo.az xəbər verir ki, Azərbaycanın gənclərdən ibarət yığmasının üzvü Murad Mahmudovun formasını geyindiyi “Frankfurt” da növbəti matçına çıxıb.
Sözügedən kollektiv doğma meydanda Frankfurt şəhərinin digər təmsilçisi “Ayntraxt”la qarşılaşıb. Futbolçumuzun komandası bu oyundan məğlubiyyətlə ayrılıb – 0:3.
Murad da bu görüşün iştirakçısı olub. O, 55-ci dəqiqədə meydana buraxılıb.
Geridə qalan bütün oyunlarında məğlubiyyətlə üzləşmiş Frankfurt təmsilçisi hazırda xalsızdı və 14 kollektiv arasında 13-cü pillədə qərarlaşıb.