Futbol üzrə Rusiya Premyer Liqasında 15-ci turun oyunları keçirilir.
Futbolinfo.az xəbər verir ki, azərbaycanlı futbolçu Ayaz Quliyevin formasını geyindiyi “Rostov” da növbəti matçına çıxıb.
Sözügedən kollektiv səfərdə “Zenit”lə qarşılaşıb. Quliyevin komandası bu oyundan məğlubiyyətlə ayrılıb – 0:2.
Ayaz da bu görüşün iştirakçısı olub. O, matça start heyətdə başlasa da, sonadək meydanda ola bilməyib. Belə ki, 35 və 81-ci dəqiqələrdə sarı vərəqə ilə cəzalan Quliyev meydandan qovulub.
“Rostov” hazırda 23 xalla 5-ci pillədə qərarlaşıb.