“Qarabağ” UEFA Avropa Liqasının qrup mərhələsinin 5-ci turunda Portuqaliyanın “Sportinq” klubu ilə qarşılaşacaq.
Futbolinfo.az klubun rəsmi sosial şəbəkə hesabına istinadən xəbər verir ki, oyunun gec başa çatacağını nəzərə alan “Qarabağ” rəhbərliyi azarkeşlərin rahat şəkildə ünvanlarına çatması üçün metronun bir saat daha gec – saat 01:00-da bağlanması üçün Bakı Metropoliteninə müraciət edib.
Metropoliten rəhbərliyinin bu müraciətə necə cavab verəcəyi məlum deyil.
“Qarabağ” – “Sportinq” matçı noyabrın 29-da Bakı Olimpiya Stadionunda keçiriləcək və saat 21:55-də start götürəcək.