Bu gün futbol üzrə Avropa Liqasında qrup mərhələsinin 5-ci turunun oyunları keçiriləcək.
Futbolinfo.az xəbər verir ki, Azərbaycan çempionu “Qarabağ” doğma meydanda Portuqaliyanın “Sportinq” klubu ilə üz-üzə gələcək. Qrupun digər matçında isə “Vorskla” London “Arsenal”ını qəbul edəcək.
Azərbaycan millisinin üzvü Riçard Almeydanın çıxış etdiyi Qazaxıstan “Astana”sı doğma meydanda Ukraynanın “Dinamo” (Kiyev) kollektivi ilə qarşılaşacaq. Qalib gələn komanda qrupdakı digər matçın nəticəsindən aslı olmayaraq növbəti mərhələyə vəsiqə qazanacaq.
Türkiyə təmsilçilərindən “Beşiktaş” səfərdə Norveçin “Sarpsporq” kollektivi ilə münasibətlərə aydınlıq gətirəcək. 4 oyuna 1 qələbə qazana bilən “qara qartallar” görüşdən 3 xalla ayrılmaq niyyətindədi.
“Fənərbaxça” evdə Xorvatiyanın “Dinamo” (Zaqreb) komandasını qəbul edəcək. İstanbul təmsilçisi rəqibini məğlub etsə, 1/16 finala yüksələcək.
Qonşu ölkənin digər klubu “Akhisarspor” isə turnirdə ilk xalını qazanmaq üçün səfərdə Rusiyanın “Krasnodar” komandasının müqavimətini qırmağa çalışacaq.
Avropa Liqası
Qrup mərhələsi, 5-ci tur
29 noyabr
A qrupu
21:55. “Bayer” (Almaniya) – “Lüdoqorets” (Bolqarıstan)
21:55. “Sürix” (İsveçrə) – AEK (Larnaka, Kipr)
B qrupu
21:55. “Rusenborq” (Norveç) – “Seltik” (Şotlandiya)
21:55. “Zaltsburq” (Avstriya) – “Leyptsiq” (Almaniya)
C qrupu
21:55. “Bordo” (Fransa) – “Slaviya” (Praqa, Çexiya)
21:55. “Zenit” (Rusiya) – “Kopenhagen” (Danimarka)
D qrupu
21:55. “Fənərbaxça” (Türkiyə) – “Dinamo” (Zaqreb, Xorvatiya)
21:55. “Anderlext” (Belçika) – “Spartak” (Trnava, Slovakiya)
E qrupu
21:55. “Qarabağ” (Azərbaycan) – “Sportinq” (Lissabon, Portuqaliya)
21:55. “Vorskla” (Poltava, Ukrayna) – “Arsenal” (İngiltərə)
F qrupu
21:55. “Betis” (İspaniya) – “Olimpiakos” (Yunanıstan)
21:55. “Milan” (İtaliya) – “Düdelanj” (Lüksemburq)
G qrupu
19:50. “Spartak” (Moskva, Rusiya) – “Rapid” (Vyana, Avstriya)
00:00. “Reyncers” (Şotlandiya) – “Vilyarreal” (İspaniya)
H qrupu
00:00. “Apollon” (Kipr) – “Latsio” (İtaliya)
00:00. “Ayntraxt” (Almaniya) – “Marsel” (Fransa)
I qrupu
00:00. “Malmö” (İsveç) – “Genk” (Belçika)
00:00. “Sarpsporq” (Norveç) – “Beşiktaş” (Türkiyə)
J qrupu
00:00. “Standard” (Lyej, Belçika) – “Sevilya” (İspaniya)
21:55. “Krasnodar” (Rusiya) – “Akhisar” (Türkiyə)
K qrupu
00:00. “Yablonets” (Çexiya) – “Renn” (Fransa)
19:50. “Astana” (Qazaxıstan) – “Dinamo” (Kiyev, Ukrayna)
L qrupu
00:00. “Çelsi” (İngiltərə) – PAOK (Yunanıstan)
21:55. BATE (Belarus) – “Videoton” (Macarıstan)