Futbol üzrə Rusiya Kubokunda 1/4 final mərhələsinin ilk oyunları keçirilib.
Futbolinfo.az xəbər verir ki, azərbaycanlı futbolçu Ayaz Quliyevin formasını geyindiyi “Rostov” da bu turnirdə növbəti matçına çıxıb.
Sözügedən kollektiv səfərdə “Krasnodar”la üz-üzə gəlib. Dörd qolun qeydə alındığı qarşılaşmada qalib müəyyənləşməyib – 2:2.
Ayaz bu görüşün iştirakçısı olmayıb. O, matçın sonunadək ehtiyatda qalıb.
Bu komandalar arasındakı cavab matçı 2019-cu ilin fevral ayında keçiriləcək.