Bu gün AFFA İntizam Komitəsinin iclası keçirilib.
Futbolinfo.az xəbər verir ki, aparılan müzakirələrdən sonra Birinci Divizionun 13-cü turunun oyunları ilə bağlı aşağıdakı qərarlar qəbul olunub:
“Şüvəlan” – “Keşlə-2” matçında “Keşlə-2”-nin 4, “Şüvəlan”ın 5 futbolçusu sarı vərəqə ilə cəzalandığı üçün hər iki klub 80 manat cərimə olunub.
“Qarabağ-2” – “Sabah-2” matçının 44-cü dəqiqəsində “Sabah-2”-nin futbolçusu Əli Səmədov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.
“Ağsu” – “Kəpəz” matçının 83-cü dəqiqəsində “Kəpəz”in futbolçusu Ruslan Süleymanov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.
MOİK – “Qaradağ Lökbatan” matçında hər iki klubun 5 futbolçusu sarı vərəqə ilə cəzalandığı üçün klublar 80 manat cərimə olunub.
“Neftçi-2” – “Zaqatala” matçının 66-cı dəqiqəsində “Neftçi-2”-nin futbolçusu Nihad Qurbanlı ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.