“Qəbələ” futbol akademiyasının komandaları 2018-ci ildə son oyunlarını keçiriblər.
Futbolinfo.az xəbər verir ki, AFFA-nın təşkil etdiyi liqalarda mübarizə aparan klunun təmsilçiləri daha üç qələbə qazanıblar.
Gənclər Liqasında çıxış edən U-19 “Sumqayıt”la səfər matçında 5 cavabsız qol vurub. 12 oyundan sonra hesabında 34 xal olan “qırmızı-qaralar” yarışın lideridi.
U-16 səfərdə “Gəncə TİM”in qapısından 4 cavabsız top keçirib. 14 matçda 43 xal toplayan “Qəbələ” 1-ci pillədə qərarlaşıb.
U-14 Liqasının paytaxt zonasında mübarizə aparan “Qəbələ” “Əlincə” ilə heç-heçə edib – 2:2. 12 görüşdə 29 xal yığan “Qəbələ” qış fasiləsinə 1-ci yerdə yollanıb.