Rusiyanın “Spartak” (Moskva) klubu azərbaycanlı futbolçusu Aleksandr Səmədovla yolları ayırmağa hazırlaşır.
Futbolinfo.az Rusiya mətbuatına istinadən xəbər verir ki, paytaxt təmsilçisi Azərbaycan əsilli yarımmüdafiəçi ilə 2019-cu ilin yayına qədər olan müqavilənin vaxtından əvvəl ləğvi üçün 3 aylıq əmək haqqını – 450 min avro təklif edib. Amma o, bundan imtina edib.
Səmədovun Moskvada qalmaq və karyerasını indiki klubunda davam etdirmək istədiyi bildirilir.
Qeyd edək ki, 34 yaşlı futbolçu cari mövsüm Rusiya çempionatında oynadığı 8 matçda 1 qol ötürməsi verib. Onunla "Dinamo" yaxından maraqlanır.