İtaliya millisinin və “Yuventus”un sabiq futbolçusu Sebastyan Covinko karyerasını Səudiyyə Ərəbistanında davam etdirəcək.
Futbolinfo.az xəbər verir ki, son olaraq MLS təmsilçisi “Toronto”da forma geyinən Covinko, “Əl Hilal” klubuna transfer olunub. Bu barədə “Toronto”nun mətbuat xidməti məlumat yayıb.
“Əl Hilal”ın bu transfer üçün MLS təmsilçisinə 2,5 milyon avro ödəyəcəyi bildirilir.
Karyerası ərzində “Empoli”, “Yuventus”, “Parma” kimi klublarda forma geyinən Covinko, 2015-ci ildən “Toronto”da çıxış edirdi.
32 yaşlı hücumçu 23 dəfə də İtaliya millisinin şərəfini qoruyub.