“Mançester Yunayted” İngiltərə Premyer Liqasının 28-ci turunda səfərdə “Kristal Pelas”ı məğlub edib.
Futbolinfo.az “Opta” saytına istinadən xəbər verir ki, 3:1 hesabıyla bitən görüşdə, “qırmızı şeytanlar” yeni rekorda imza atıb. Belə ki, “Mançester Yunayted” klub tarixində ilk dəfə bütün turnirlər daxil olmaqla, keçirdiyi ardıcıl 8 səfər oyununda da qələbə qazanıb. Bu qələbələrin hamısı Ole-Qunnar Sulşerin rəhbərliyi altında qazanılıb.
Sulşer ötən ilin dekabrında “Mançester Yunayted”in “sükanı arxasına” keçib.
“Mançester Yunayted” Premyer Liqada 28 turdan sonra 55 xalla 5-ci sırada qərarlaşıb.