“Neftçi” futbol üzrə Azərbaycan Premyer Liqasının 19-cu turunda qarşılaşacağı “Sabah”la matçın hazırlığını başa vurub.
Futbolinfo.az xəbər verir ki, “ağ-qaralar” bu oyundan öncə son məşqə çıxıblar. Rəhman Hacıyevdən başqa bütün futbolçuların iştirak etdiyi hazırlıq prosesində toplu və texniki-taktiki çalışmalar yerinə yetirilib.
Bu gün 8-ci km stadionunda keçiriləcək “Neftçi” – “Sabah” oyunu saat 18:30-da başlanacaq. VİP yerlərə 5 AZN, qalan bütün sektorlara 1 AZN təşkil edən biletləri matçın baş tutacağı arenanın kassalarından əldə etmək mümkündü.