"Sabah"a qış fasiləsindən sonra gəlmişəm. Bu üzdən komandadakı qeyri-stabilliyin səbəbi barədə nəsə demək mənə çətindi. Deyə bilərəm ki, necə lazımdısa, məşqlərimizi edirik. Sadəcə, hansısa məqamda nəsə çatmır" – bu sözləri "Sabah"ın futbolçusu Rəşad Eyubov Premyer Liqanın 19-cu turunda "Neftçi"yə 3:0 hesabı ilə qalib gəldikləri oyunu dəyərləndirərkən deyib.
Dövrələrarası fasilədə məhz "Neftçi"dən "Sabah"a keçən orta sahə oyunçusu bu amilin oyununa təsir etmədiyini söyləyib. Eyubov "Neftçi"yə özünü sübut etmək barədə düşünmədiyini də vurğulayıb: "Mənim üçün prinsipial oyun deyildi. Yalnız "Sabah"ın qələbəsi üçün meydana çıxmışdım. "Neftçi"yə qarşı məndə hansısa revanş hissi, prinsipiallıq yox idi. Aqressiv olmağım bəzi epizodlarda narazı qalmağımla bağlı idi".
27 yaşlı oyunçu əlavə edib ki, ötən tur "Qarabağ"dan (1:1) xal aldıqdan sonra "Neftçi"ni də büdrəcəklərinə inanıblar: "Qarabağ"la heç-heçədən sonra gördük ki, oynamaq olar. Bu gün açıq futbol sərgilədik. Ancaq bunun üzərində hələ çox çalışmalıyıq. Düşünürəm ki, məşqçilər korpusu oyunu təhlil edəcək. Demək olmaz ki, məğlubiyyətdə səbəb seçilən taktika idi".