Futbol üzrə Türkiyə 1-ci liqasında 24-cü turun oyunları keçirilib.
Futbolinfo.az xəbər verir ki, Azərbaycan yığmasının sabiq hücumçusu Dəniz Yılmazın formasını geyindiyi “Gənclərbirliyi” də növbəti matçına çıxıb.
Sözügedən kollektiv səfərdə “Afyonspor”la qarşılaşıb. Yılmazın komandası bu oyundan heç-heçə ilə ayrılıb – 0:0.
Dəniz bu görüşün iştirakçısı olmayıb. Onun adı matçın iştirak ərizəsinə də daxil edilməyib.
“Gənclərbirliyi” hazırda 48 xalla 18 kollektiv arasında 2-cidi.