“Keşlə” Azərbaycan çempionatlarında 50-ci ev məğlubiyyətini alıb.
Futbolinfo.az xəbər verir ki, bu, Azərbaycan Premyer Liqasının 19-cu turuna təsadüf edib. “ASK Arena”da “Qarabağ”ı qəbul edən paytaxt təmsilçisi 0:1 hesabı ilə uduzub.
1999-cu ildən güclülər dəstəsində çıxış edən, bu müddətdə “Xəzər Universiteti” və “İnter” adları ilə də mübarizə aparan Bakı klubu ümumilikdə 269-cu dəfə öz meydanında qüvvəsini sınayıb. Bu görüşlərdə 50 məğlubiyyət alan “Keşlə”nin hesabında 153 qələbə və 66 heç-heçə də var.
Qeyd edək ki, “Keşlə” çempionatın tarixində öz meydanında 50 və daha çox məğlubiyyət alan 10-cu komandadı. Evdə ən çox uduzan isə “Turan”dır – 78 məğlubiyyət.