“Barselona” futbol üzrə UEFA Çempionlar Liqasında yeni rekord müəyyənləşdirib.
Futbolinfo.az xəbər verir ki, Kataloniya təmsilçisi ötən gecə doğma meydanda “Mançester Yunayted”ə 3:0 hesabıyla qalib gəlib.
Lionel Messi və komanda yoldaşları bununla da qitənin ən nüfuzlu klub turnirində doğma meydanda məğlubiyyətsiz oyunlar seriyasını 31-ə çatdırıblar. Bu isə ÇL-də rekord göstəricidi.
Xatırladaq ki, “Barselona” ÇL-də sonuncu ev məğlubiyyətini 2013-cü ilin sentyabr ayında alıb.