Bu gün futbol üzrə Azərbaycan Premyer Liqasında 25-ci tura start verilib.
Futbolinfo.az xəbər verir ki, turun açılış matçında “Sumqayıt”la “Səbail” üz-üzə gəlib.
Autsayderlər qrupunda qərarlaşmış meydan sahibləri uğursuz gedişata son qoymağı, paytaxt təmsilçisi isə üst pillələrdəki mövqeyini möhkəmləndirməyi hədəfləmişdi. Qarşılaşmada hesabı meydan sahibləri açıblar. Qapıçının irəli çıxdığını görən Peyman Babayi uzaqdan vurduğu qolla qonaqları məyus edib. Amma fasilədən dərhal sonra bakılılar hesaba tarazlıq gətiriblər. Ötən tur "Neftçi"yə qol vuran Ağabala Ramazanov bu dəfə də "Sumqayıt"ı məyus edib. Matçın sonlarında isə Oke Akpoveta qonaqları hesabda önə çıxarıb. Beləcə, üçünü pillədə qərarlaşmış "Səbail" əzmkar qələbə sayəsində mövqeyini daha da möhkəmləndirib.
Azərbaycan Premyer Liqası
25-ci tur
18 aprel
“Sumqayıt” – “Səbail” 1:2
Qol: P.Babayi, 13 – A.Ramazanov, 52. O.Akpoveta, 74.
Qırmızı vərəqə: T.Kitanovski, 58 (ikinci sarı).
Hakimlər: Vüqar Həsənli, Cəmil Quliyev, Pərvin Talıbov, Kamal Umudlu.
“Sumqayıt Arena”, 16:45.
“Sumqayıt”: 1. Mehdi Cənnətov, 4. Şəhriyar Əliyev, 21. Arif Daşdəmirov, 3. Vurğun Hüseynov (k), 10. Aleksey İsayev, 7. Cavid Tağıyev, 5. Adil Nağıyev, 8. Peyman Babayi, 97. Xəyal Nəcəfov, 77. Murad Xaçayev, 18. Süleyman Əhmədov.
Ehtiyat oyunçular: 12. Rəşad Əzizli, 13. Aydın Bayramov, 2. Rail Məlikov, 60. Elvin Məmmədov, 22. Əfran İsmayılov, 17. Nicat Qurbanov, 34. Elvin Bədəlov, 15. Əmir Ağayev, 9. Ehtiram Şahverdiyev, 70. Ülvi İsgəndərov, 74. Yusif Nəbiyev, 49. İbrahim Əliyev.
Baş məşqçi: Ayxan Abbasov.
“Səbail”: 25. Elxan Əhmədov, 13. Şəhriyar Rəhimov, 5. Vüqar Bəybalayev, 14. Rahid Əmirquliyev (k), 10. Ağabala Ramazanov, 32. Elvin Yunuszadə, 33. Tome Kitanovski, 27. Emil Martinov, 28. Kevin Kubemba, 21. Oke Akpoveta, 77. Ədilxan Qarəhmədov.
Ehtiyat oyunçular: 50. Fərhad Vəliyev, 20. Eltun Yaqublu, 26. Kamal Qurbanov, 88. Orxan Qurbanlı, 11. Ruslan Qurbanov, 4. Enrike Perilyo, 8. Yevgeni Koçuk, 9. İmanol İriberri, 6. Maykl Essyen, 17. Elçin Rəhimli, 18. Aqşin Qurbanlı.
Baş məşqçi: Aftandil Hacıyev.