Almaniyanın “Ştutqart” klubu baş məşqçisi Markus Vaynzirllə yollarını ayırıb.
Futbolinfo.az xəbər verir ki, bu barədə klubun rəsmi saytı məlumat yayıb.
Bundesliqanın 30-cu turunda “Auqsburq”a 0:6 hesabıyla darmadağın olan “Ştutqart”da baş məşqçi ilə yanaşı, onun köməkçiləri Halil Altıntop və Tomas Bart da vəzifəsindən göndərilib.
“Ştutqart”ı müvəqqəti olaraq, Niko Villin çalışdıracaq. Sözügedən komanda Bundesliqada 30 turdan sonra 21 xalla 16-cı sırada qərarlaşıb.