“Sumqayıt” Azərbaycan çempionatlarında yubiley oyununu keçirib.
Futbolinfo.az xəbər verir ki, Azərbaycan Premyer Liqasının 36-cı turunun “Neftçi” ilə səfərdəki oyunu (3:2) “Gənclik şəhəri” təmsilçisinin 250-ci matçı olub.
Bu görüşlərdən 124-ü evdə, 126-sı səfərdə keçirilib. Bu müddətdə 62 qələbə qazanan komanda 66 heç-heçə edib və 122 dəfə uduzub. 239 qol vuran sumqayıtlılar 364 top buraxıb.
“Sumqayıt” Premyer Liqada 250 və daha çox oyun keçirən 17-ci klubdur.