Almaniyanın “Bavariya” klubu tərəfindən iki ildən bir keçirilən “Audi Cup” turnirinin bu mövsümdəki iştirakçıları bəlli olub.
Futbolinfo.az Münhen təmsilçisinin rəsmi saytına istinadən xəbər verir ki, yeni mövsüm öncəsi hazırlıq çərçivəsində “Real”, “Tottenhem” və “Fənərbaxça” “Audi Cup”da mübarizə aparacaq.
“Bavariya”nın stadionu “Alyans Arena”da oynanılacaq qarşılaşmalar 30-31 iyul tarixlərində keçiriləcək. İki mərhələdən ibarət olan turnirin ilk oyunlarında “Bavariya” “Fənərbaxça”, “Tottenhem” isə “Real”la qarşılaşacaq.