Futbol üzrə Slovakiya yığmasının baş məşqçisi Pavel Hapal dünən İordaniyaya 5:1 hesabı ilə qalib gəldikləri yoldaşlıq oyununu dəyərləndirib.
Futbolinfo.az xəbər verir ki, Azərbaycan millisinin AÇ-2020-nin seçmə mərhələsindəki rəqiblərindən olan slovakiyalıların çalışdırıcısı yerli federasiyanın rəsmi saytına açıqlamasında ikinci hissədə daha yaxşı təsir bağışladıqlarını bildirib:
“Rəqibin müqavimət göstərəcəyini bilirdik. İlk hissə gözlədiyimiz kimi oldu. Müdafiədə müəyyən boşluqlar buraxdıq. Nəticədə əsəblərimizi cilovlamaqda çətinlik çəkdik. İkinci hissə tamam fərqli alındı. Düşünürdük ki, rəqibin mütəvimətini qıra bilərik. Deyərdim ki, istəyimizə çatdıq. Gənclərin oyunu yaxşı mənada təəccübləndirdi. Fasilədən sonrakı dəyişikliklər topa daha çox nəzarət etməyə və sürəti artırmağa hesablanmışdı”.
Hapal iyunun 11-də Bakıda millimizlə keçiriləcək oyuna da toxunub: "Yoldaşlıq matçında daha çox az oynayan futbolçuları iş başında görmək istəyirdik. Azərbaycanla bağlı başqa planımız var və bunu 3 gün sonra hamı görəcək. Bu, həm Bakı səfəri üçün heyət, həm oyunla bağlıdı".
Qeyd edək ki, iyunun 11-də 8-ci km stadionunda keçiriləcək Azərbaycan – Macarıstan oyununa saat 20:00-da start veriləcək.