Bu gün futbol üzrə Avropa Liqasında 2-ci təsnifat mərhələsinin püşkatma mərasimi keçirilib.
Futbolinfo.az xəbər verir ki, İsveçrənin Nyon şəhərində təşkil olunan tədbirdə Azərbaycan təmsilçilərindən “Qəbələ”nin də rəqibi müəyyənləşib.
Səpələnmişlər sırasında yer alan “Qəbələ”nin rəqibi “Dinamo” (Tbilisi, Gürcüstan) – ilkin mərhələnin cütünün qalibi olacaq.
İkinci mərhələnin ilk oyunları iyulun 25-də, cavab görüşləri isə avqustun 1-də olacaq.
Avropa Liqasında mübarizəyə 1-ci təsnifat mərhələsindən başlayacaq “Neftçi” və “Səbail” isə ilk mərhələni adlayacaqları təqdirdə, səpələnməmişlər səbətində yer alacaqlar. “Neftçi” ilk mərhələdə Moldovanın “Speranta” klubu ilə qarşılaşacaq. “Ağ-qaralar” bu mərhələni keçsə, “Arsenal” (Tula, Rusiya) ilə qarşılaşacaq.
“Səbail” isə ilk mərhələdə Rumıniyanın “Universitatya Krayova” klubu ilə qarşılaşacaq. Aftandil Hacıyevin rəhbərlik etdiyi kollektiv mərhələni keçsə, potensial rəqibi “Honved” (Budapeşt, Macarıstan) – “Jalgiris” (Vilnüs, Litva) cütünün qalibi olacaq.
“Neftçi”/”Speranta” (Moldova) – “Arsenal” (Tula, Rusiya)
“Qəbələ” – “Dinamo” (Tbilisi, Gürcüstan) – “La Fiorita” (San-Marino)/“Enqordani” (Andorra)
“Səbail”/”Universitatya Krayova” (Rumıniya) – “Honved” (Macarıstan)/“Jalgiris” (Litva)