“Neftçi” Türkiyədəki təlim-məşq toplanışı çərçivəsində bu gün sonuncu yoxlama oyununu keçirib.
Futbolinfo.az xəbər verir ki, Bakı təmsilçisi Ukraynanın “Vorskla” klubu ilə qarşılaşıb. “Fenerbahçe Topuk Yaylası Resort and Sport” otelinin meydançasında baş tutan oyunda qapılara 5 qol vurulub. Hesabı açan tərəf Ukrayna klubu olsa da, "Neftçi" ilk yarının sonuna kimi hətta hesabda önə keçib. Amma matçın sonlarında iki qol vuran "Vorskla" meydandan qələbə ilə ayrılıb.
İlk sınaq matçında “SKA-Xabarovsk”a (Rusiya) 3:1 hesabı ilə qalib gələn “Neftçi”nin Rumıniyanın “Politexnika İaşi” klubu ilə oyunu güclü duman səbəbindən yarımçıq qalmışdı. Paytaxt təmsilçisi iyulun 1-də Türkiyə toplanışını başa vuraraq, vətənə qayıdacaq.
Yoxlama oyunu
30 iyun
Neftçi – Vorskla 2:3
Qol: Vangelis Platellas, 29. Dario Federiko, 33.
Neftçi: 1. Səlahət Ağayev, 5. Anton Krivotsyuk, 6. Voyislav Stankoviç, 8. Emin Mahmudov (k), 10. Dario Federiko, 11. Vangelis Platellas, 19. Rauf Əliyev, 25. Kirilo Petrov, 26. Ömər Buludov, 28. Stiven Jozef-Monroz, 36. Mamadu Kane.
Ehtiyat oyunçular: 12. Kamran İbrahimov, 30. Aqil Məmmədov, 3. Mamadu Mbodj, 7. Namiq Ələsgərov, 17. Rəhman Hacıyev, 18. Tural Axundov, 20. Elnur Süleymanov, 32. Mirkamil Əliyev, 33. Turan Vəlizadə, 37. Vüsal Əsgərov, 47. Əsgər Hüseynov, 80. İsmayıl Zülfüqarlı, 85. Şöhrət Yusifov.