İtaliyanın “Yuventus” və “Roma” klubları futbolçularını dəyişiblər.
Futbolinfo.az xəbər verir ki, Turin təmsilçisinin müdafiəçisi Leonardo Spinatsola paytaxt klubuna transfer olunub. 25 yaşlı futbolçunun keçidi “canavarlar”a 25 milyon avroya başa gəlib. Amma “Yuventus” Spinatsolanın əvəzində “Roma”dan Luka Pelleqrini ilə anlaşıb. 20 yaşlı sol cinah müdafiəçisi 15 milyon avro qarşılığında Turin təmsilçisinə keçib. Belədə, “Roma” qarşı tərəfə əlavə 10 milyon avro ödəməli olacaq.
Artıq hər iki klub sözügedən transferləri rəsmi saytları vasitəsilə açıqlayıblar. Tibbi müayinədən də keçən futbolçuların qısa zaman içində rəsmi müqaviləyə imza atması gözlənilir.