Almaniya çempionu “Bavariya” İspaniyanın “Barselona” klubundan icarəyə götürdüyü Filippe Koutinyonu rəsmən ictimaiyyətə təqdim edib.
Futbolinfo.az xəbər verir ki, bu barədə klubun rəsmi saytı məlumat yayıb. Braziliyalı yarımmüdafiəçi ilə 1 illik müqavilə imzalanıb.
“Bavariya” Koutinyonun icarəsi üçün “Barselona”ya 8,5 milyon avro ödəyib. Münhen təmsilçisi mövsümün sonunda 120 milyon avro ödəməklə braziliyalının transfer hüquqlarına sahib ola bilər.
Koutinyo yeni klubunda 10 nömrəli formanı geyinəcək.