“Neftçi”nin hücumçusu Baqali Dabo komandadakı durumundan narazıdı. Bunu fransalı özü deməyib, xanımının sosial şəbəkədəki paylaşımı belə söyləməyə əsas verir.
“Neftçi”nin dünən “Sabah”a uduzduğu matçda Dabo forma geyinmədi. Zədəsini sağaltdıqdan sonra “Bney Yehuda”ya qarşı Avropa Liqası matçında oynayan hücumçu, hazırda baş məşqçi Roberto Bordindən etimad görmür. Görünür, inciklik ailə daxilində də müzakirə olunub.
Baqalinin fotolarını paylaşan xanımın paylaşımında yazılanlardan bunu hiss etmək mümkündü: “Keçən il bu komandada ən çox kimin qol vurduğunu bilirik. Əhsən sənə. Bu nə birinci, nə sonuncu dəfədi. Biz bilirik ki, ən yaxşı sənsən. Şansı başqalarına buraxaq. Heç nə olmaz, öyrəşirik”.
