Daha bir Küveyt klubu təlim-məşq toplanışı keçmək üçün Bakıya gəlib. 3 həftə ölkəmizdə qonaq olan “Əl Salmiya”nın ardnca indi də “Al-Fahaheel” ölkəmizdə hazırlıqlaşacaq. Sabah Bakı Olimpiya Stadionunun ehtiyat meydançasında ərəblər ilk sınaq matçını da keçirəcək.
Küveyt klubu öz yerində “Keşlə”nin bu matça çıxmaqda məqsədi var. Belə ki, Tərlan Əhmədov “Sabah”la son turun oyununda iştirak etməyən futbolçulara oyun praktikası qazandırmaq üçün belə qərar verib. O, həmçinin baxışda olan 2 yeni legioneri də sınayacaq.
Baxışda olanlardan biri Anqola yığmasının sabiq üzvü Aleksandre Kristovaodu. 26 yaşlı hücumçu bir neçə gündü sınanır və bu matçdan sonra onunla bağlı qərar veriləcək. Karyerası ərzində Hollandiyanın “Qroningen” və “Kambur”, Serbiyanın “Yavor”, Polşanın “Zaqlembiya”, Rumıniyanın “Dinamo”(Buxarest) klublarında çıxış etmiş Aleksandre Məşqçilərin etimadını qazanmalıdı.
Nigeriyalı Patrik Ezenin taleyini də bu matç həll edəcək. “Afrika Sports”, “Rad”, “Napradek”, “Mladost”, “Əl-Fujajrah”, “Əl-Qadsiya”, “Konyaspor”, “Dənizlispor” kimi klublarda oynamış afrikalı bu il Polşad “Rakoş” klubunda 5 oyuna 1 qol vurub.
