“Los-Anceles Qalaksi”nin sabiq hücumçusu Zlatan İbrahimoviçin yeni klubunun adı rəsmən bəlli olub.
Futbolinfo.az xəbər verir ki, isveçli forvard gözlənildiyi kimi, İtaliyanın “Milan” klubu ilə anlaşıb.
Bu barədə A Seriyası nəhənginin mətbuat xidməti məlumat yayıb.
Azad agent olan veteran forvardla müqavilənin detalları açıqlanmayıb. Amma tərəflərin 6 aylıq anlaşmaya imza atdığı iddia olunur.
Qeyd edək ki, Zlatan İbrahimoviç geridə qalan mövsüm MLS liqasında iştirak etdiyi 31 matçda 31 qol, 8 assistlə yadda qalıb.
İsveç yığmasının sabiq forvardı 2010-2012-ci illərdə "Milan"ın formasını geyinib.