Polşanın “Legiya” klubunun yarımmüdafiəçisi Domaqoy Antoliç Avropa Liqasının pley-off mərhələsi çərçivəsində Azərbaycan çempionu “Qarabağ”a qarşı keçirdikləri oyunu şərh edib.
Futbolinfo.az xəbər verir ki, doğma meydanda 0:3 hesabıyla məğlub olan və mübarizəni dayandıran Polşa klubunun futbolçusu bunları söyləyib:
“Matça bütün həftə boyu hazırlaşmışdıq. Çox şeyi təhlil etmişdik. Meydanda yeni sistemlə oynamağa çalışdıq. Əvvəldən sona qədər “Qarabağ” bizdən üstün oldu. Onları bu qələbə münasibətilə təbrik etmək lazımdır. Çünki qarşılaşma ərzində daim üstün oldular. Daha çox qol şansları yaratdılar və daha sürətli idilər. Hamısını təhlil etməli, nəyi daha yaxşı edə bildiyimizi müəyyənləşdirməliyik. Bizim üçün asan bir an deyil, lakin irəliyə baxıb zəfərli yola qayıtmalıyıq”.