“Gilan Holdinq”in tərkibinə daxil olan və Bakıda fəaliyyət göstərən otellər şəbəkəsi “Qəbələ” ilə əməkdaşlığını dayandırıb. Əyalət təmsilçisinin komandaları əvvəllər buradan pulsuz istifadə edə bilirdisə, bu, artıq mümkün deyil.
Şirkət təsisçilik hüququnu özündə saxlasa da, indi “qırmızı-qaralar”dan ödəniş tələb edir. 14 illik ənənənin pozulması “Gilan”ın özünün maliyyə dayaqlarının zəifləməsi ilə əlaqədardır.
Koronavirus pandemiyası holdinqin bu sektor üzrə fəaliyyət göstərən müəssisələrinə ciddi ziyan urub. Üstəlik, Bakıdakı otellərin demək olar, hamısı aylardır qapalı rejimli xəstəxanalara çevrilib (sportinfo.az).
Təbii ki, bu durum çempionatda qələbəyə həsrət qalan “Qəbələ”nin durumunu bir az da pisləşdirəcək. Komanda məcburən doğma rayonda məskunlaşmalıdı. Bu durum isə əksər legionerlərn ürəyincə deyil və onlar narazılıq etməyə başlayıb.