Antalyada təlim-məşq toplanışında olan “Zirə” bu gün sonuncu yoxlama oyununa çıxıb.
Futbolinfo.az xəbər verir ki, “qartallar” “Napredak” klubu ilə qarşılaşıb.
Serbiya təmsilçisi ilə oyuna Bakı vaxtı ilə saat 16:00-da start verilib.
“Zirə” Antalya toplanışı çərçivəsində daha öncə “Ümraniyəspor”a 0:3 hesabıyla uduzub, Rumıniya “Sepsi”sinə isə 2:0 hesabıyla qalib gəlmişdi. Zaur Həşimovun çalışdırdığı kollektiv bu görüşdən də inamlı qələbə ilə ayrılıb.
Yoxlama oyunu
21 yanvar
Zirə – Napredak (Serbiya) 2:0
Qol: Riçard Qadze. David Volkov.
Türkiyə, Antalya.
Zirə: Orxan Sadıqlı, Alie Sesay, Yovan Krneta, Rauf Hüseynli, Alvaro Ampuero, Elvin Camalov, Cavid Hüseynov (k), Şafik Tiqrudca, Ağabala Ramazanov, Davit Volkov, Riçard Qadze.
Ehtiyat oyunçular: Boyan Zoqoviç, Abdulla Seyidəhmədov, İlkin Muradov, Xulio Sezar Rodriqes, Mfo Kqasvane, Miloş Bakraç, Adrian Skarlatake, Nicat Süleymanov, Tellur Mütəllimov, Əli Şirinov.