Yanvarın 12-dən Antalyada təlim-məşq toplanışında olan “Sumqayıt” gözlənilməz hadisə ilə üzləşib.
Futbolinfo.az “Sportinfo”ya istinadən xəbər verir ki, Lara bölgəsində məskunlaşan komanda qaldığı “Aska Resort” otelindən çıxarılıb.
Hələ ayın 26-na qədər sözügedən oteldə qalmalı olan “kimyaçılar” qərar qarşısında şoka düşüblər.
Otel rəhbərliyinin bu cür addımının səbəbi də məlumdu. “Sumqayıt” rəhbərliyinin pul məsələsi ilə bağlı verdiyi vədə əməl etməməsi sonda bu cür xoşagəlməz hadisə ilə nəticələnib.