Yeni mövsümə Qəbələdə hazırlaşan “Sabah” və “Sumqayıt” bu gün yoxlama oyununda üz-üzə gəlib. Dünən güclü leysana görə ilk hissənin sonunda yarımçıq dayandırılan qarşılaşma bu gün ikinci hissədən davam etdirilib.
“Sabah” yeni transferi Slavik Alxasovun 81-ci dəqiqədə vurduğu qolla 1:0 hesablı qələbə qazanıb.
Qeyd edək ki, “Sabah” Qəbələdəki ilk yoxlama matçında “Qarabağ”a 2:1 hesabı ilə qalib gəlib. Ölkəmizi ilk dəfə avroliqada təmsil edəcək “Sumqayıt” isə bundan əvvəlki görüşdə “Neftçi”yə uduzub – 0:3.