İspaniyanın “Selta” klubu ciddi itkilərlə üzləşib.
Futbolinfo.az xəbər verir ki, La Liqa təmsilçisinin hücumçuları Yaqo Aspasla Nolito zədələnib.
Onların hər ikisi ötən gecə Madrid “Real”ı ilə səfər oyununda sıradan çıxıb. Bu barədə klubun rəsmi saytı məlumat yayıb. Hər iki futbolçu əzələ problemi ilə üzləşib. Onların bərpa müddəti təkrar müayinələrdən sonra bəlli olacaq.
Qeyd edək ki, Aspas bu mövsüm La Liqada 17 oyuna çıxıb, 9 qolla yadda qalıb. Nolito isə 17 oyunda 4 dəfə fərqlənib.