“Keşlə”nin baş məşqçisi Yunis Hüseynov bu gün istefa ərizəsini rəhbərliyə təqdim edib.
Futbolinfo.az xəbər verir ki, bu barədə paytaxt klubunun rəsmi saytı məlumat yayıb.
Xəbərdə bildirilir ki, keçirilən görüşdən sonra Hüseynovun istefası qəbul olunub.
55 yaşlı mütəxəssis “Keşlə” Futbol Klubunun İdarə Heyətinin sədri Zaur Axundova təşəkkür edib, kluba uğurlar arzulayıb.
Rəhbərlik də öz növbəsində Hüseynova göstərdiyi xidmətlərə görə təşəkkür edib.
Qeyd edək ki, Yunis Hüseynov “Keşlə”yə 2020-ci ilin avqustunda baş məşqçi təyin olunmuşdu.