UEFA İcraiyyə Komitəsi Avro-2020 matçlarında və Millətlər Liqasının final mərhələsində 5 əvəzetmə qaydasının tətbiq edilməsinə qərar verib.
Futbolinfo.az xəbər verir ki, bu barədə UEFA-nın saytı məlumat yayıb. Bu qayda əvvəlcə koronavirus pandemiyasının yayılması ilə əlaqədar bir çox turnirdə tətbiq edilmişdi.
Qeyd edək ki, 2020-ci ildə keçirilməli olan Avropa çempionatı koronavirus pandemiyası səbəbindən bu il 11 iyun – 11 iyula təxirə salınıb. Avro-2020-yə Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdam şəhərləri ev sahibliyi etməlidir.
ELMAR ABDULLAZADƏ