İngiltərənin “Liverpul” klubunda 2020/21 mövsümünün ən yaxşı futbolçusu müəyyənləşib.
Futbolinfo.az klubun rəsmi saytına istinadən xəbər verir ki, bu, Məhəmməd Salahdır.
Misirli hücumçu azarkeşlərin səsverməsinə əsasən 1-ci olub. Braziliyalı yarımmüdafiəçi Fabinyo 2-ci, ingilis müdafiəçi Nataniel Filips 3-cü olub.
Qeyd edək ki, Salah Premyer Liqada başa çatan mövsümdə 37 oyuna 22 qol vurub, 5 məhsuldar ötürmə edib. O, mövsümün bombardiri Harri Keyndən (“Tottenhem”) yalnız 1 qol az vurub.