FİFA milli komandaların yeni reytinq cədvəlini açıqlayıb.
Futbolinfo.az ali futbol qurumunun rəsmi saytına istinadən xəbər verir ki, yeni siyahıda Azərbaycan milli komandasının mövqeyi dəyişməyib.
Canni De Byazinin rəhbərlik etdiyi komanda 1168.53 xalla 110-cu sırada qərarlaşıb.
Azərbaycan millisinin yoxlama oyunu çərçivəsində bu gün qarşılaşacağı Türkiyə yığması 1505.05 xalla 29-cu pillədədir.
Yığmamızın DÇ-2022-nin seçmə mərhələsindəki rəqiblərindən Portuqaliya 1166.12 xalla 5-ci, Serbiya 1512.90 xalla 25-ci, İrlandiya 1427.22 xalla 47-ci, Lüksemburq isə 1244.86 xalla 96-cı yerdədir.
Reytinq cədvəlinə 1783.38 xalla Belçika millisi başçılıq edir. 1757.30 xalla Fransa yığması 2-ci, 1742.65 xalı olan Braziliya isə 3-cüdür.